Žemaitėjės naciuonalėnė parka direkcėjė kuova 4 dėina, nu 12 adīnas, je tori svēkatas ėr okatas, ėlgā nemėslėjės, spausk i Platelius! Nesėgailiesi ėr bieduos netoriesi.
*Nu rīta – velniū, obagū, cėguonu ėr kėtuokiū žīdu zbėtkā po kaimus.
* Ėšstėposims ė nepaslenkontims blīnu ėšsėkeptė – nu 12.00 adīnas galiesėt stuoriausiu Ožgavieniu blīnu nusėpėrktė kavėnie „Lėnielis“ (kėtuo Plateliu ežera posie – Paplatelės kaimė).
*16.30 val. vėsė žīdā renkas Plateliu miestalė pleciuo. Ėr rėitus kėlnuodamis, jopelės doskindamis, sobėnės kraipīdamis, klumpēs brazdiedamis ordoliousem pri koltūras nomū (bovosės Plateliu dvara jaujės).
*Vėsū žīdu dėdėlēsis pasėkraipīms, šmuots muonu: cėguoniu varažėjėmā, blīnu jiedėms, raišū arkliū ė kėtuokės lėnktīnės, stėpriausės, linksmiausės žīdu kuompanėjės rinkėmā.
* Muorės dūmās palēdėms ėr mūsa nuognā griaudos kriuokėms, žėima ėš kėima ėšgėnos, ėr liaudėškė fejerverkā.
Gražiai parašyta 🙂
Fainē, ka ė žemaitėška žuodi če gal rastė 🙂 Rēk lėčīna mėtriau maliavuotė ė taisītës obagautė
Tikraa poikee… Vo dikuo vėin žydams…. Kor čiguoneliou bapasdiete? Nier teisybes…